KOMONG logo

АЖИЛ ГҮЙЦЭТГҮҮЛЭХ ТУХАЙ ГЭРЭЭ

Аялал жуулчлалын компанийн жолоочтой байгуулах гэрээний маягт

2026 оны 02 дугаар сарын 11-ний өдөр

Улаанбаатар хот

НЭГ. НИЙТЛЭГ ҮНДЭСЛЭЛ

  1. Энэхүү гэрээг нэг талаас “Комонг Коннект” ХХК (цаашид “Компани” гэх), нөгөө талаас иргэн __________________________ (цаашид “Жолооч” гэх) нар Монгол Улсын холбогдох хууль тогтоомж, эрх зүйн актуудыг удирдлага болгон харилцан тохиролцсоны үндсэн дээр байгуулна.
  2. Компанийн мэдээлэл:
    • Нэр: Комонг Коннект ХХК
    • Компанийн улсын бүртгэлийн дугаар: 7031764
    • Хаяг: Улаанбаатар хот, Хан-Уул дүүрэг, 4-р хороо, 764-161
    • Захирал: С.Батбилэг
    • Утас: 7270-6617, 8978-6617
  3. Энэхүү гэрээний зорилго нь Компанийн зохион байгуулж буй аялал, үйлчилгээний хүрээнд жуулчдыг автомашинаар тээвэрлэх, холбогдох үйлчилгээг үзүүлэхтэй холбоотой харилцааг зохицуулахад оршино.
  4. Гэрээ нь 2026 оны 02 дугаар сарын 11-ний өдрөөс 2026 оны 12 дугаар сарын 31-ний өдөр хүртэл хүчинтэй байна.

ХОЁР. КОМПАНИЙН ХҮЛЭЭХ ҮҮРЭГ

  1. Аялал эхлэхээс өмнө аяллын маршрут, хугацаа, хөтөлбөр болон шаардлагатай бусад мэдээллийг Жолоочид урьдчилан танилцуулна.
  2. Аяллын хугацаанд Жолоочийн өдрийн гурван хоол, жуулчны бааз, зочид буудалд байрлах, хоноглох зардлыг бүрэн хариуцна.
  3. Жолоочид олгох ажлын хөлсийг дараах байдлаар тооцож, аялал амжилттай дууссанаас хойш ажлын 3 (гурав) хоногийн дотор олгоно. Үүнд:
    • Хөдөө орон нутгийн аялал – 250,000 төгрөг /өдөр/
    • Онгоц тосох, үдэх үйлчилгээ – нэг өдрийн ажлын хөлсөөр тооцно.
  4. Нисэх буудал, галт тэрэгний буудлаас тосох, үдэх үйлчилгээтэй холбоотой шатахууны зардлыг тусад нь тооцохгүй бөгөөд тухайн өдрийн ажлын хөлсөнд багтаан тооцно.
  5. Шатахууны нормыг дараах байдлаар тооцно:
    • Фургон, Жийп автомашин – 100 км тутамд 20 л
    • Delica, Starex – 100 км тутамд 18 л
    • Жижиг автобус – 100 км тутамд 25 л
    • 45 хүний автобус – 100 км тутамд 45 л

ГУРАВ. ЖОЛООЧИЙН ЭРХ, ҮҮРЭГ

  1. Жолооч нь тээврийн хэрэгслийг аялалд бүрэн бэлтгэж, техникийн бүрэн бүтэн байдал, аюулгүй ажиллагааг ханган, зорчигчдын амь нас, эрүүл мэнд, ачаа тээшинд хохирол учруулахгүйгээр батлагдсан маршрут, хугацааны дагуу үйлчилгээг гүйцэтгэнэ.
  2. Жолооч нь аяллын эхний өдөр аялалд хамрагдах хөтчийг заасан байршлаас тосож авах, аяллын сүүлийн өдөр хөтчийг заасан байршилд хүргэж өгөх үүрэгтэй бөгөөд энэ нь аяллын маршрутын албан ёсны эхлэл, төгсгөлд тооцогдоно.
  3. Аяллын явцад тээврийн хэрэгслийн гадна болон дотор талыг цэвэр, эмх цэгцтэй байлгаж, үйлчилгээний соёл, харилцааны ёс зүйг чанд баримтална.
  4. Жолооч нь аяллын явцад батлагдсан маршрутаас зөвшөөрөлгүйгээр хазайх, бусад зорчигч, гуравдагч этгээдийг замаас авч тээвэрлэхийг хатуу хориглоно.
  5. Жолооч нь Компанийн тогтоосон цаг хугацаанд заасан байршилд бэлэн байх, аяллын хөтөлбөрийг сааталгүй хэрэгжүүлэх үүрэгтэй.
  6. Аяллын явцад согтууруулах ундаа, мансууруулах болон сэтгэцэд нөлөөлөх аливаа бодис хэрэглэхийг хатуу хориглох бөгөөд архи, согтууруулах ундаа хэрэглэсэн, үйлчилгээний бусад ноцтой гомдол гарсан тохиолдолд цалингийн нийт дүнгээс торгохоос гадна цаашид ажиллуулахгүй байх хүртэл арга хэмжээ авна.
  7. Жолооч нь аяллын явцад амарч, зогсох, түр зогсолт хийх үед тээврийн хэрэгслийн техникийн байдлыг шалгаж, илэрсэн гэмтэл, доголдлыг нэн даруй засварлах арга хэмжээ авна.
  8. Жолооч нь аяллын явцад замын нөхцөл байдал, цаг агаар, зорчигчдын аюулгүй байдлыг харгалзан автомашины хурдыг зохицуулж, Монгол Улсын Замын хөдөлгөөний дүрмийг чанд мөрдөнө.
  9. Ачаа ачих, буулгах, буудаллах үед жуулчдын аюулгүй байдлыг хангаж, шаардлагатай тохиолдолд ачаа тээш зөөвөрлөх, майхан барих, буулгах зэрэг ажилд тусална. Жуулчид бүрэн байрлаж, амарч дуусаагүй нөхцөлд дур мэдэн амрахыг хориглоно.
  10. Үйлчилгээний явцад гар утсаар ярих, анхаарал сарниулах аливаа үйлдэл хийхийг хориглох бөгөөд осол, зөрчил гаргах үндэслэл болсон тохиолдолд цалингийн 50–80 хүртэл хувиар торгууль ногдуулна.
  11. Хүрээлэн буй орчныг хамгаалах үүднээс байгаль орчинд хохирол учруулах, зохисгүй үйлдэл гаргах, хог хаяхыг хатуу хориглоно.
  12. Жолооч нь аяллын баг, үйлчилгээний ажилтнуудтай харилцан ойлголцож, хамтын ажиллагааг эрхэмлэн ажиллах бөгөөд аливаа асуудал үүссэн тохиолдолд аяллын багийн ахлагч, хөтчийн шийдвэрийг дагана.
  13. Жолооч нь тухайн компанийн аяллын багт бүрэн харьяалагдан ажиллаж, гэрээ байгуулснаас хойш тухайн аялал эхлэхээс 20–30 хоногийн өмнө цуцалсан тохиолдолд гэрээт ажлын хөлсний 30 хувь, 10–19 хоногийн өмнө цуцалсан тохиолдолд 40 хувь, 0–9 хоногийн өмнө цуцалсан тохиолдолд 50 хувьтай тэнцэх торгуулийг компанид төлнө.
  14. Жолооч нь аяллын явц дунд дур мэдэн аяллыг орхих, өөрийгөө солих, бусдаар орлуулахыг хатуу хориглоно. Энэ заалтыг зөрчсөн нь нотлогдсон тохиолдолд цалингийн нийт дүнгээс торгуулахаас гадна цаашид хамтран ажиллахаас татгалзах хүртэл арга хэмжээ авна.

ДӨРӨВ. ШАТАХУУНЫ БАРИМТ, ТООЦООНЫ ЖУРАМ

  1. Жолооч нь аяллын явцад шатахуун худалдан авсан тохиолдолд НӨАТ-ын баримтыг “Комонг Коннект” ХХК, регистрийн дугаар 7031764-ийн нэр дээр хэвлүүлэн авч, аялал дууссанаас хойш 3 (гурав) ажлын өдрийн дотор аяллын менежерт хүлээлгэн өгөх үүрэгтэй.
  2. Хэрэв шатахуун түгээх станц НӨАТ-ын баримт олгоогүй тохиолдолд шатахуун түгээх станцын нэр, байршил, хаяг, шатахууны төрөл, хэмжээ, нэгж үнэ, нийт дүн, худалдан авсан огноо, цаг, минутыг бүрэн тэмдэглэн, аялал дууссанаас хойш 3 ажлын өдрийн дотор аяллын менежерт мэдэгдэнэ.
  3. Жолооч нь шатахууны мөнгө дутуу тооцогдсон гэж үзсэн тохиолдолд тухайн худалдан авалтыг өөрийн хийсэн болохыг баримтаар нотолж, НӨАТ-ын баримт болон холбогдох мэдээллийг аяллын менежерт мэдэгдсэнээр дутуу тооцогдсон шатахууны зардлыг нөхөн авах эрхтэй.
  4. Жолооч нь өөрийн худалдан аваагүй шатахууны НӨАТ-ын баримтыг орлуулан өгсөн, эсхүл баримтыг бодит худалдан авалттай нийцэж байгааг нотолж чадаагүй тохиолдолд тухайн баримтад хамаарах шатахууны дутуу төлбөрийг нөхөн тооцох боломжгүй.
  5. Энэ бүлэгт заасан баримт, мэдээллийг хугацаанд нь ирүүлээгүй тохиолдолд Компани нь 2.3-т заасан ажлын хөлс олгох хугацааг түр түдгэлзүүлэх эрхтэй байна.
  6. Компани нь шаардлага хангасан баримтыг бүрэн хүлээн авснаас хойш 3 (гурав) ажлын өдрийн дотор ажлын хөлс, шатахууны тооцоог бүрэн хийж олгоно.

ТАВ. ТОРГУУЛЬ, ХАРИУЦЛАГА БА БУСАД

  1. Жолооч нь энэхүү гэрээний 3.4, 3.5, 3.6, 3.10, 3.13, 3.14-д заасан үүргийг зөрчсөн тохиолдолд тухайн заалтуудад тодорхойлсон торгууль, хариуцлагыг тус тус хүлээнэ.
  2. Жолооч нь энэхүү гэрээний Дөрөвдүгээр бүлэгт заасан шатахууны баримт, нотлох мэдээллийг хугацаанд нь ирүүлээгүй, эсхүл бодит бус, нотлогдоогүй баримт ирүүлсэн тохиолдолд тухайн зардлыг нөхөн тооцохгүй бөгөөд Компани нь 2.3-т заасан ажлын хөлс олгох хугацааг түр түдгэлзүүлэх эрхтэй байна.
  3. Энэхүү гэрээний 3.13-т заасан хугацаанд аяллыг цуцалсан тохиолдолд холбогдох хувь хэмжээний торгуулийг Компанид төлөх бөгөөд уг торгуулийг Жолоочид олгох ажлын хөлсөөс суутган тооцож болно.
  4. Жолооч нь аяллын явц дунд дур мэдэн аяллыг орхисон, өөрийгөө солих, бусдаар орлуулах зөрчил гаргасан нь нотлогдсон тохиолдолд цалингийн нийт дүнгээс торгуулахаас гадна Компанийн зүгээс цаашид хамтран ажиллахаас татгалзах хүртэл арга хэмжээ авна.
  5. Байгалийн гамшиг, гоц халдварт өвчин зэрэг давагдашгүй хүчин зүйлээс шалтгаалан аялал саатсан тохиолдолд талууд харилцан хариуцлага хүлээхгүй.
  6. Энэхүү гэрээтэй холбоотой маргааныг эхний ээлжинд харилцан тохиролцох замаар шийдвэрлэх бөгөөд тохиролцоонд хүрээгүй тохиолдолд Монгол Улсын хууль тогтоомжийн дагуу шүүхэд хандана.
  7. Монгол Улсын Замын хөдөлгөөний дүрэм, жуулчны авто тээврийн үйлчилгээний стандарт MNS 5231:2003 болон холбогдох хууль тогтоомж нь энэхүү гэрээний салшгүй хэсэг байна.

ГЭРЭЭ БАЙГУУЛСАН

КОМОНГ КОННЕКТ ХХК-ийг төлөөлж:

Албан тушаал: Захирал

Нэр: С.Батбилэг

Тамга, Гарын үсэг:

Захирал САНДАГСҮРЭН БАТБИЛЭГ

Тамга

Жолооч:

Овог, нэр: __________________________

РД: ____________________________

Утас: ____________________________

Гэрийн хаяг: ____________________________

Яаралтай үед холбогдох дугаар: ____________________________

Тээврийн хэрэгсэл: ____________________________

Улсын дугаар: ____________________________

Дансны дугаар: ____________________________

Банкны нэр: ____________________________

Гарын үсэг: ____________________

2026 оны 02 дугаар сарын 11-ний өдөр